قال المطرب محمد حماقى، إن الحفلات التي تقام بجمهور، أعظم بكثير من الأخرى التي بدون جمهور،
وقال إن “الفرق بين الحفلة اللى بجمهور واللى من غير جمهور، مثل الحفلة والبروفة، وعندما نغنى بدون جمهور مش بنحس إننا بنتفاعل، والجمهور بيحركنا”.
وأضاف حماقي أن موسم الصيف في “الماسة” سيكون في المستقبل هدف لكل مطربين الوطن العربي، و “أنا بشتغل على إني بعمل حاجة أكون مقتنع بيها وتعجب الناس، وبعد ما بخرج الأغنية من عندي بدعي إن الأغنية تعجب الناس، وأهم حاجة إن الفنان يكون قريب من الناس وذوقه يعجب الناس”.
وأشار إلى اختياره الأغاني التي يحبها، قائلا: “بختار الأغانى اللى حاببها، يعني بغني من قلبي، وأنا بحب النوع من الأغانى اللى فيها إحساس ومشاعر، لأن إحنا شعب عاطفى جدا ومشاعره سبقاه ديما، وأنا بحب النوع ده من الأغانى من صغرى”.
وأكمل: “بالنسبة للأنباء التي تحدثت عن دخولى التمثل، فأنا مركز في الغناء لأني مغني ولكن عمرى ما أهملت فكرة دخولى السينما، وعايز أعمل فيلم مش لمجرد دخولى السينما فقط، عايز أعمل السينما كسينما ومش عايز استخدم السينما لخدمة المغنى، ومؤخرا عندنا فيلم كويس جدا وأنا مبسوط بالفكرة، وهنعلن عن تفاصيله قريب، والتصوير ممكن يكون في خلال السنة دي بعد الألبوم”.
