القلب المكسور

بقلم / د. محمود التطاوي

كتير بنسمع الكلمة دى انا قلبي انكسر… إنه قلبه إتكسر أو إنه قلبه بيوجعه علشان حصل معاه موقف معين أو إتعرض لخزلان كبير احنا بنفتكر إن ده تعبير عادي ومالوش علاقة بالقلب ولا بيكون مأثر عليه
بس الحقيقة إن في فعلا حاجة طبيا اسمها متلازمة القلب المنكسر موجودة بالفعل ودي حالة قلبية مؤقتة بتحصل نتيجة التعرض لموقف محزن .. بيحصل في القلب مشكلة في ضخ الدم في جزء معين انما باقى القلب بيكون شغال بصورة طبيعية وممكن تحصل بسبب تفاعل القلب مع ارتفاع هرمون الإجهاد عشان كده بنسميه اعتلال القلب المجهد ..
أعراضها بتتشابه مع الأزمة القلبية زي :
– ألم في الصدر
– ضيق في التنفس
وممكن يكون إستمرار الألم دليل على حدوث أزمة قلبية فى الحالة دى لازم نكشف فورا لو حسيت بألم في الصدر مستمر أو تسارع شديد أو عدم انتظام ضربات القلب أو ضيق شديد في التنفس
…حافظوا على قلوبكم وقلوب من تحبون من مغبة الخذلان، وألم الخيبة، وإنهاكها بالحزن والقلق، ولا تحملوها ما لاتطيق. فـ و الله إن القلوب لغالية.
فالقلب هالة الروح ومكمنها وكسرة القلب تميت الروح وان ظل ينبض ويتنفس .