بقلم / آمال محمود
كنت أنا عايشة أحلى صبية
راضية بكل ما كان حواليا
ولا سيبتولي مباهج جاية
وزرعتوا القسوة جوايا
لحبايبي مابقيتش وفيه!
مات اللحن مع الأغنية
وانطفى نور القنديل فيا
بعد ما كنت أنا ست الدنيا
الغبا صار أكبر صفة فيا
قلبي ومات موته أبدية
والوبا طال راسي ورجليا
والجوهرة مابقتش دي هيّا
كنتوا سيبوني ف دنيتي أسعى
للعيش ببساطة وحرية
كنت أنا حامده وشاكرة وراضية
بحياتي ومتهنية
ليه أخدوني لزيف أنا شفته
قلت: دهب .. زغللي عنيه
وأما جريت أشرب من بيتكم
لا لقيت بيت ولا زاد ولا ميه
حسيت إني خسرت حياتي
ماضي وحاضر .. حتى الجاية
ولا قادرة أرجع سيرتي الأولى
منا مش عصا موسى ولا حيّه!!
رابط مختصر
https://www.akhbarelnaselyoum.com/?p=105762
تم نسخ الرابط إلى الحافظة
