إحنا بقينا محتاجين هدنه
مش من الدنيا……من نفسنا إللي انعزلت عننا….من القلق……من الحــرب….الدمار…..الخـوف من بكره إللي ملا بيوتنا…..
من الحسابات إللي من صنعنا علشان نمتلك فوق احتياحاتنا الأساسية………
بقينا نحاسب اللحظات كأنها مديونة لينا بحاجة
ونقيس الراحة بعدد الإنجازات إللي حقفناها و إللي ممكن يكون من ضمنها إنجازات غير مكتملة العطاء اصلا”….
ونسينا إن في حاجات ملهاش مقياس ولا بتعد فلوس……
زي الطمأنينة إللي ممكن تيجي فجأة في لحظة سكون أو دعوة من القلب بحب حد دعاهالك……أو حتى من كلمة بسيطة سمعتها…..جبر خاطر بوقت صعب….
زي الضحكة اللي من قلبنا من غير سبب…..
زي النوم إللي بيجي من غير تفكير……
ارهقنا روحنا بأجوبة عن أسئلة ملهاش إجابة….
وقعدين نجري في سبق وهمي….ما حدش فيه كسبان…..
الهدنة مش رفاهية…..دي أولوية علشان نقدر نسمع نفسنا بوصوح….نفهم إن في وقت لازم نبطل ندور على معنى…ونكتفي بس بالحضور……..الحضور المؤقت بدنيا زائلة……
