بعد سنين!!

بقلم / طارق الشاعر

أنا بالشعر عملتك كعبة
وانا بالشعر ههدك هد
عمر مشاعري ما قسمت ظهري
ودموعي منزلتش لحد
عمري في يوم ماهبين ضعفي
حتي ان كنت بحزني هموت
فكرك يعني لما هتمشي
الكون ده هيعطل بريموت ؟؟
والارض تبطل دورانها
والمخاليق ترقع بالصوت
ولا الورد عليكي هيدبل ؟
ولا الشمس وراكي هترحل ؟
امشي وبرده الدنيا هتمشي
والايام هتفوت هتفوت
بعد سنين شعري هيتردد
وانت اللي حكايتك هتموت.