إنتشار ظاهرة الأعراض الأنثوية على بعض الرجال المفروض دة بيفسر أن فى تغييرات هرمونية فسيولوجية ودى بتحتاج لدراسة طبية بحتة ..
لكن إن ظهر أعراض أنثويه فى الشكل والطبع دى محتاجة دراسة مجتمعية.
زمان لما ظهر مايكل جاكسون فى البداية كان منتقد من البعض لكن بعدها اتحول لاسطورة وقدوة للشباب..
حاليا الراجل بقى بيلبس أزياء الستات وحلقان وسلاسل..
وبنطلونات ضيقة وقمصان مشجرة وشعر مربوط ( ديل حصان ) او ( ملفوف كحكة ).
وأصبح للرجال مراكز تجميل فاقت وتخطت تجميل الستات واصبح ليهم ماكياج رجالى ووصلنا للظهور بملابس داخلية حريمى….
والستات بقت تلبس ( فورمال) علشان الشغل وبقى لبسها البنطلون الواسع وقصة الشعر القصير شبه شعر الرجال
واتلقبت الآية واتقلبت خلقة ربنا سبحانه وتعالى فى خلقه
حتى فى الطباع القوامة اتنازل عن دوره للست الا مارحم ربى ….
واصبح المقصود هو تبادل الادوار بالعناية.
سمعت جدى رحمه الله عليه قالى للرجال توب اسمه توب الرجولة لازم يكون على المقاس مظبوط وان فى بعض الرجال توب الرجولة بيكون واسع عليهم ف بيرفضوا انهم يلبسوه اصلا …
وبالفعل بقينا فى زمن ظهرت فيه كل الأعراض الانثوية على الرجال …
وللاسف اصبح الانحراف معجزة العصر والشاذين بيفخروا بوضعهم…
لازم نخاف ونرجع دور القدوة السوى فى كل اسرة…
لازم ننتبه للايادى الخفية لتدمير الشباب السوى بهدف تدمير شكل المستقبل وتشويه المجتمع .
