هند عبد الغنى تكتب : أمنيتى…المدرسة تقع وتتهد

لما يتحول الطفل من مشاعر بريئة وصاحب ابتسامة حلوة وطموح وشغف وطاقة تملى الدنيا إيجابية الى انسان كئيب فاقد كل حاجة حلوة ف حياته
فاقد الشغف ، فاقد الطاقة ، فاقد حتى الابتسامة ..

الطفل بيرجع البيت على اخره من طلبات المدرسة فيوصل بيه الامر انه يتمنى المدرسة تتهد وتقع ويكتب كدة حرفيا لما المدرسة قدمت سؤال اكتب امنيتك .

كتب ” اتمنى المدرسة تقع والمدرسين يروحوا فى داهية ”
يرجع البيت الام المسكينة تستلمه وهو روحه محطمة ومعندوش اى رفاهيات ف الدنيا ومطلوب منه يكتب ويذاكر فى المدرسة وف البيت
مطلوب منه ال٢٤ ساعة يتحول لروبوت من غير مشاعر
حتى الروبوت بياخد راحة
الطفل عجز بدرى
انا بخاطب المسؤلين عن وضع المناهج
لو عايزين تقارنوا الاطفال بالأطفال ف الخارج كان من باب اولى نهيألهم المناخ والبيئة اللى تساعدهم على كدة زى الخارج برضه
والله الكل حيتسأل امام الله على ابشع جريمة بتحصل الاطفال انهاروا نفسيا
مكتئبين ، محطمين ، يائسين
مبقاش فى أطفال، ماتت البراءة
الطفل بقى يتمنى يطلع زى نمبر 1 او اى صاحب مهرجان او حتى تاجر مخد ..رات
الطفل زهق وعايز يستسهل ومبقاش فى قدوة زى زويل ويعقوب مع احترام الالقاب
رجعولنا الاطفال أطفال.