علموك !!

بقلم – طارق الشاعر

عطلوك .. كنت حلم بعيد عليهم
كنت شمس وجم طفوك
بعت ناسك واشترتهم
باعوا فيك واستنزفوك
كان مناهم ترضي عنهم
سكتك كانت املهم
واما جيت علشان تقرب
ودعوك

علموك .. ان كل الدنيا غابه
والبشر اصلا ديابه
واللي كانوا في يوم حبايبك
مهما حلفوا في يوم هيجوا
وهيسيبوك

وصلوك.. انك تشوفهم كالوحوش
كل يوم ظاهرين بوش من الوشوش
الملامح لو تشوفها
تشبه الطفلة البريئة
والقلوب دوامه تخدك
تدفنك في بحور غريقه
والشفايف يضحكولك
والايدين بيثقفولك
بس لما تلف وشك يطعنونك

غيروك.. خلو روحك شاردة منك
غربوك.. من صغر سنك
عيشوك الحلم لحظه وجم خدوه
ليه زرعتوا الحلم فينا لما عاوزين تقتلوه.