قصص أمثال شعبية

تقدمه / داليا طايع

مصر مشهورة بأمثالها الشعبية و مقولاتها المأثورة وزي مافي مثل او مقولة في قصة وراءها وفي كثير مننا بنقول المثل او المقولة بس يا ترى عارفين ايه حكايته كثير مننا مش عارفين ايه العبرة والحكمة و الفايدة اللي اتسببت ان المثل ده يشتهر ويفضل لحد عصرنا الحالي تعالوا نفهم ونعرف أكثر القصة اللي اتسببت في المقولة او المثل
النهارده هحكيلكم قصة مثل ” اللي اختشوا ماتوا”
دايما بيتردد قدامنا صحيح اللي اختشوا ماتوا بس سألنا نفسنا ايه قصة المثل وايه اللي حصل عشان المثل ده يحصل تعالوا نعرف
بتبدأ قصتنا في عصر العثمانين، حينما كانت تستخدم الأخشاب والحطب فى الحمامات القديمة لتسخين المياة، وفي سنة 1889 حصل حريق فى حمام على بيك الموجود في مدينة جرجا فى محافظة سوهاج فى صعيد مصر، فسارعت الكثيرات ممن كانوا بالحمام إلى الهرب خارجاً وهم عراة لينجوا بأنفسهم من الحريق، ولكن النساء اللى اختشت ان تخرج ماتت فى الحريق، وحين جاء صاحب الحمام ليسأل الواقفين عما حدث، فرد أحد المتفرجين قائلاً ” اللى اختشوا ماتوا”، ومن هنا اشتهرت القصه باللى اختشو ماتوا
وبقي يتقال في عصرنا الحالي صحيح اللي اختشوا ماتوا لناس اللى بتخجل تعمل حاجه و على العكس كمان بيتقال لناس اللى بتعمل كل حاجه أو حاجه غلط من غير حيا. وقد لا يعرف الكثيرين أصل هذا المثل لكنهم يرددونه فى الكثير من المواقف فى الحياة اليومية.
المرة الجاية هحكيلكم ” إبن الوز عوام”